Lína fína….

Ég er að hugsa um að flytja. Ég er komin með dálítið mikið leið á þessu umhverfi. Kíkið á nýju síðuna mína: www.123.is/elin_heida

Ég er ekki enn komin með vinnu fyrir sumarið, eiginlega veit ég ekki ennþá hvað ég vill gera. Ég hef sótt um á nokkrum stöðum en ekki heyrt neitt. Ég veit að það er alveg einn og hálfur mánuður þangað til ég get byrjað að vinna, en ég vill bara vera búin að afgreiða þetta svo ég þurfi ekki að vera að stressa mig yfir þessu og geti einbeitt mér alfarið að skólanum. Mig langar að vinna einhversstaðar sem ég fæ dálítið vel útborgað, en þar sem ég er ekki með neina menntun og ekki nein sambönd heldur sé ég það ekki alveg gerast. Ætli ég endi ekki bara á einhverjum leikskóla með 144 þús á mánuði í heildarlaun. Mér finnst það ekkert sérlega eftirsóknarvert.

Ég er alltaf að djöflast eitthvað í ræktinni, fór á föstudaginn í tíma sem heitir Shape og er þar aðallega verið að gera styrktaræfingar. Ég mætti frekar galvösk og var til í hvað sem er, ég vissi sko ekki hverju ég átti von á. Í byrjun tímans átti maður að ná sér í alls konar dót, pall, dýnu, lóðastöng og lóð á hana og handlóð. Ég hafði aldrei farið í svona tíma áður þannig að ég hermdi bara eftir hinum, var ekkert að taka tillit til þess að allir hinir voru töluvert sterkari og í betra formi en ég. Ég líka vildi ekki vera aumingi og vera með léttara en hinir. Svo byrjuðum við að gera æfingarnar sem voru að mínu mati mjög erfiðar (sérstaklega með allt of þung lóð) og var konan alltaf að telja niður og sagði “átta í viðbót” svo þegar við vorum búin að gera átta að þá var það “fjórir í viðbót” og eftir þá fjóra var það “klárum þetta með því að taka fjóra enn” shit ég var sko búin á því, og eftir klukkutíma var ekki mikið eftir. Ákvað samt að reyna að taka smá cardio en ég entist ekki lengur en 7 mínútur. Eftir það dröslaðist ég upp á teygjusvæðið, ég hélt sko ég myndi ekki hafa það upp. Í gær vaknaði ég svo með þessar líka fínu harðsperur í vöðvum sem ég vissi ekki að væru til. Ég ákvað nú samt að vera hugrökk og fara í ræktina og reyna að gera smá, líka til að reyna að ná sperunum úr. Það virkaði ekki, ég var gersamlega að drepast í gærkvöldi og er ég ennþá verri í dag. Það að setjast á klósettið er verulega sársaukafullt og er frekar erfitt að lyfta hægri hendinni. Ég held ég reyni að kyngja smá stolti næst og vera með örlítið léttara á stönginni.

Held þetta sé bara orðið gott í bili………

síja

Ég verð nú samt að halda áfram, verð allavega að fara að huga að þessum verkefnum. Úff gangi mér vel!!!

Vitiði það að ég er í alveg ótrúlega skemmtilegu námi. Það er brjálað að gera þessa dagana og fullt af mjög krefjandi verkefnum en þetta er samt svo gaman. Allar þær einkunnir sem ég hef fengið hingað til er bara rosalega fínar, ég er allavega mjög sátt. Fimmtudagar eru sérstaklega skemmtilegir. Þá er ég í myndmennt fyrir hádegi frá 8:30 til 12:00, það eru oftast mjög skemmtilegir tímar, mikið dúttl, dund og spjall. Ég er samt mjög óörugg í myndmenntinni, frekar ófrjó og með of mikila fullkomnunaráráttu. Eftir hádegið er svo tónmennt í einn og hálfan tíma. Það er ótrúlega gaman, höfum verið að leika okkur með hryn og spila á klukkuspil og svona. Núna er samt myndmenntin búin og í næstu viku byrjum við í textílhönnun. Ég vona að mér eigi eftir að ganga betur í því, hef allavega töluvert meiri reynslu á því sviði. 

Það er líka brjálað að gera í skólanum hjá honum Gorma mínum. Fer í skólann snemma á morgnana og kemur heim seint á kvöldin. Einu skiptin sem við hittumst, þá erum við bæði hálf meðvitundarlaus og hrjótandi eins og okkur sé borgað fyrir það. Skemmtilegt ha?? Svo er hann að fara að vinna um helgina þannig að ekki munum við vera mikið saman þá. En sem betur fer að þá er þetta bara svona tímabundið. Við ætlum ekki að vera í skóla for ever, eða allavega ekki ég. 

Núna er ég orðin alveg rosalega sibbin, ætla að koma mér í bólið.

Góða nótt 

Ég eiginlega nenni ekki að skrifa mikið meira núna, enda ekki mikið að gerast.
Síja

Jebb ég semsagt náði öllum prófunum en ég gat hækkað eina 6,5 í 7,5. Ég setti víst vefsíðuna sem ég gerði á vitlausan stað á netinu og fékk ég þar af leiðandi 0 fyrir hana. Ég talaði við kennarann og sagði honum hvar ég setti hana. Hann skoðaði hana og gaf mér 8 fyrir, þannig að lokaeinkunnin hækkaði um einn heilan. Ég að sjálfsögðu mjög sátt við það.
 
Ég á nú eiginlega að vera að gera verkefni núna sem á að skila í fyrramálið, en ég einhvernveginn kem mér ekki í það, er samt byrjuð smá en á voðalega erfitt eitthvað með að halda áfram. Er að skrifa um af hverju tókst ekki að koma á föstu skólahaldi í kjölfar fræðslulaganna 1907, mjööööög spennandi. Svo er ég líka í myndmennt og á að vera búin að teikna og lita helling fyrir morgundaginn, iss ég verð bara að í alla nótt.

Ætli það sé ekki best að fara að hefjast handa, úff gangi mér vel…….

Þrátt fyrir þetta er ég voðalega pirruð eitthvað þessa dagana, það gengur ekki neitt eins og það á að ganga og er ég orðin mjög leið á að bíða og láta tímann leiða í ljós. Hlutirnir eiga bara að vera í lagi og fólk á að vinna vinnuna sína. Svo er það náttúrulega þannig að þegar maður er pirraður að þá lendir það oftast á þeim sem standa manni næstir, aumingja Haraldur hefur held ég, fengið ársbyrgðir af pirringi. Hann sem hefur ekkert gert til að verðskulda hann:-/ Vona að þetta komist allt í lag bráðum 

Dagurinn í dag er ekki búinn að vera sá skemmtilegasti. Jú, ég byrjaði á því að fara í próf í morgun eftir að hafa lært í alla nótt. Var svona frekar steikt í kollinum en vonandi hefur það reddast. Þegar ég kom heim náði ég að leggja mig í klukkutíma, var svo bara eitthvað a vesenast hérna heima, horfa á biggest loser taka til og sona. Um hálf ellefuleitið ákvað ég að hringja á læknavaktina til að athuga með opnunartímann á morgun og fá að tala við hjúkrunarfræðing og fá hennar álit á dálitlu sem hefur verið að valda mér áhyggjum. Málið er að annar kálfinn er soldið stærri en hinn og það er rauður aumur hnúður á honum. Ég sagði henni að ég hefði fengið blóðtappa einusinni og hún sagði að ég yrði að koma til þeirra bara núna, talaði mjög alvarlega og hræddi mig mjög mikið. Blóðtappar er eitthvað sem mig langar ekki til að upplifa aftur. Ég skellti mér á læknavaktina talaði þar við lækni sem taldi ráðlagt að ég færi á bráðamóttökuna í fossvogi til að láta athuga þetta, þannig að auðvitað skellti mín sér þangað. Ég var komin þangað um hálf tólf, var spurð fullt af spurningum og tekið fullt af blóði úr mér. Klukkan hálf eitt kom læknirinn til mín og sagði mér að han ætlaði að bíða og sjá hvað blóðprufurnar sögðu og að það mundi taka um klukkutíma. Ég var náttúrulega drullu þreytt og kom mér vel fyrir á bekknum með teppi og kodda og steinsofnaði. Vaknaði svo þegar læknirinn kom rúmlega hálf tvö, ótrúlega rugluð. Náði því samt að hann sagði að hann vissi ekkert hvað væri að mér en ég væri ekki með blóðtappa, sem var í raun það eina sem ég vildi fá að heyra. Þetta var æðislegur læknir, spjallaði smá við mig bara um lífið og tilveruna. Sagði mér að einusinni hafi hann verið mjög feitur, en tekist að grenna sig og halda sér grönnum. Alltaf gaman að fá staðfestingu á að þetta er hægt.

Ég skil bara ekkert af hverju ég er ekki löngu farin að sofa. Ég, svefnfíkillinn mikli. Ætli ég sofi ekki bara allan daginn á morgun. Eftir áramótin hætti ég samt að vera svona mikill svefnfíkill Ég man ekki hvort ég sagði frá því en ég fór í svefnrannsókn um daginn. Þá þurfti ég að tengja allskonar dót á mig áður en ég fór að sofa og tæki tók upp hvernig ég andaði. Mér fannst ég nú ekki sofa mikið en greinilega nógu og mikið til að hætta að anda að 15 sinnum á klukkutíma sem þýðir að ég er með kæfisvefn mitt á milli þess að vera á vægu og meðalháu stigi. Eftir áramótin fæ ég öndunarvél til að sofa með. Ekki beint spennandi en það á allt eftir að breytast. Á ekki eftir að þurfa að sofa svona mikið eins og ég geri núna og vera hressari og með betri einbeitingu og minni. Ohh hlakka svo til Ég held samt að þetta sé orðið ágætis blogg í bili og löngu kominn tími á að fara að sofa. Hef ekki sofið nema tæpa tvo tíma á síðustu 34 tímunum.
Góða nótt

Í síðustu viku byrjaði ég í vettvangsnáminu. Ég er á leikskólanum Sjónarhól í grafarvoginum og er ég með tveimur öðrum úr kennó, þær eru samt í fjarnámi. Það var æðislega vel tekið á móti okkur og fannst mér ótrúlega notalegt að vera í þessum leikskóla, heimilislegur og kósí. Fyrsta daginn vorum við ótrúlega týndar eitthvað, vissum einhvernveginn ekkert hvað við áttum að gera og ekki fólkið sem tók á móti okkur heldur. Við samt náðum að finna út úr því og byrjuðum strax síðasta þriðjudag að vinna að verkefninu okkar. Við áttum að gera skráningu á leik barna, taka myndir og skrifa niður. Það gekk alveg ótrúlega vel, við vorum allar rosalega ánægðar.

Mér hefur hins vegar ekki gengið alveg jafn vel í ræktinni, það hefur gengið heldur illa að mæta. Enda soldið leiðinlegur tími sem námskeiðið er á, akkúrat á þeim tíma sem ég er þreyttust og lötust, væri lang best að geta farið bara beint efir skóla, þá þarf ég ekki að vera að keyra alltaf fram og til baka. En námskeiðið er nú alveg að verða búið, kannski kaupi ég mér bara venjulegt kort næst, kemur í ljós. Annars er frekar erfitt að lifa bara á námslánum, ég er ekkert að fatta það að maður getur ekki alveg keypt allt sem manni langar í. Ég kvíði einmitt soldið fyrir jólunum, ég á það til að missa mig í jólagjafakaupum. Er að spá í núna að ákveða fyrirfram hvað ég ætla að eyða mikið í hvern og því má ekki breyta undir neinum kringumstæðum.

……..jæja ætla að reyna að læra eittvað smá fyrir háttinn

Síja